- Лицензия
-
- Альбом
- СОНЦАВАКОЛ
- Студия
- REMBRANDT
- Текст
- На маім караблі парадак,
Я карсар, капітан, дзівак.
Мне фартуна мая не здрадзіць,
Правядзе праз любы бардак.
З чым заўгодна
Хай лёс нас зводзіць,
Маіх сілаў на ўсё стае.
Паглядзі , як прыгожа каціць,
Тое кола квадратнае.
Ах, фартуна мая, гандлярка,
Падымай чорны сцяг і грай.
На маім карку, на маім карку,
На маім карку вы едзеце ў рай.
Выканаўца заўсёды збоку,
Злева, зправа, не на краі.
Ён забіў па загадзе рока,
І забіты куток у раі.
Толькі я ўсё болей вінны,
Бо спрадвеку расклад такі:
Застаюцца на мне правіны,
Застаюцца на мне грахі.
Ах, фартуна мая, гандлярка,
Падымай чорны сцяг і грай.
На маім карку, на маім карку,
На маім карку вы едзеце ў рай.
Я жыву са сваёй віною.
Ах, фартуна, любоў мая,
Што ж, ласкавая, ты са мною,
Чым расплочвацца буду я...
Ах, фартуна мая, гандлярка,
Падымай чорны сцяг і грай.
На маім карку, на маім карку,
На маім карку вы едзеце ў рай.