Промо
-
Радзіма
587 / 0 / 13 летАлина Литвинова
16 лет, Диплом 3-й степени
РАДЗІМА
Няма на зямлі беларускай
Ні гор высачэзных, ні мораў,
Ды ёсць запаветныя пушчы
І сінія вочы азёраў.
Паданні, легенды сівыя
Калоссем палі тут шапочуць,
Бруяцца крыніцы жывыя
І ўранку, і цёмнаю ноччу.
Я радасць жыцця тут спазнала,
Што ззяла, бы яснае сонца,
І сонечны зайчык трымала
Ў ружовай дзіцячай далонцы.
Мне ўсё тут аднолькава міла:
І зімы, і звонкія вёсны.
Тут першыя крокі зрабіла
Дзяцінства маё у даросласць.
Ёсць слова святое – Радзіма!
І дзе б ні хадзіў ты па свеце,
Яна застанецца адзінай,
Адной, непаўторнай у сэрцы!
__________
