Промо
-
Беларусь
874 / 1 / 14 лет / 9 лет1.
Ад Бярэсця, Палесся i Сожа
Да Браслаўскiх крынічных азёр
Ахінае душу мне прыгожы
Неабсяжны лагодны прастор.
Я нiколi злiчыць не бяруся,
Непрыкметных лясных ручаёў,
Сiнявокай маёй Беларусi
Мілых воку і сэрцу краёў!
Прыпеў:
Зычлiваю i шчыраю
Я ганаруся.
Хай квiтнее мiлая
Мая Беларусь!
2.
Тут жывуць крывiчЫ-палачане,
Між радзiмічаў палешукi …
Разам лёс свой ствараюць сяляне,
Навукоўцы, краўцы, мастакi.
Тут багата i бульбы i сала,
Нiвы лёну i яблыкаў пах.
I ўладу, каб жыць лепей стала,
Мы ва ўласных трымаем руках.
Прыпеў.
3.
Талакою мы хаты будуем,
Па сумленных законах жывем.
I сыноў i дачок мы гадуем,
Захаваўшы дзядоў запавет.
Мы жадаем дабра ўсiм народам,
Цэнiм розум, сумленне, спакой.
Беларусам у свеце не сорам.
Беларус да людзей усёй душой.
Прыпеў.
