Промо
-
Хто мне кажа, што я невязучы?..
80 / 0 / 4 года / 4 года***
Хто мне кажа, што я невязучы?
Я на свеце вязучэй за ўсех.
Нават тое, што мяне мучыць,
Заглушыць не можа мой смех.
Дужа горка: я ўжо не пабачу
Мілы сэрцу задумлівы твар,
Але я ўсё ж смяюся, не плачу,
Перажыў я і гэты удар.
Не звалюся дадолу ніколі.
Хоць, магчыма, не раз упаду,
Не паддамся бяздумнай нядолі,
Не памру на халодным ляду.
Я умею асенняй парою
Сярод мілых з маленства лясоў
Піць і целам сваім, і душою
Неўміраючы цвет верасоў.
8/І-1984
