Экспэрт ТГ Андрэй Кабанаў: «У ВВ ёсьць тое, чаго не стае нашым музыкам»

Вядомы блогер праслухаў песьні ўдзельнікаў 3-га туру на «Тузіна Гітоў» і выказаў сваё меркаваньне. Ён цалкам пагадзіўся з выбарам наведнікаў, што паставілі на першае месца гурт «Воплі Відоплясова» і асабліва адзначыў яшчэ двух: «Аляксандар Памідораў з сваім „Дымам“ натхняе на рашучыя дзеяньні. Увечары ў ложку з каханай гэта ня пойдзе, а вось як заклік на Плошчу — самае то! Агулам, слухач гурта Naka і Памідорава — мара даішнікаў. Пад такую музыку хочацца ціснуць на газ».
Праслухаўшы ўсе трэкі, злавіў сябе на думцы: а якую музыку я б слухаў у машыне, за стырном пад добрую акустыку? Сумневаў ня ўзьнікла — «Воплі Відоплясова». Цешыць вуха ня столькі вакал Алега Скрыпкі, колькі якасьць гучаньня. На вялікі жаль, такой тэхнікі і гукаапэратараў не стае беларускім музыкам, каб роўна гучаць у адным гіт-парадзе.
Аб’ектыўна разважаць пра Naka не магу, бо даўно захапляюся Настай Шпакоўскай і ейнай творчасьцю. Днямі адбыўся яе канцэрт пры поўным аншлягу. А гэта й ёсьць, на мой погляд, паказчык якасьці.
Чытаць далей: http://tuzin.fm/article/2791/