Промо
-
Anam
10 / 0 / 1 год 5 месяцев / 3 месяца«Anam»
I
Anam,anaciim, benim anaciim,
İnan, senin sevdana pek aaçım.
Kaç yıl buluşmadık biz,
Ama hep aklımdaydın.
Hiç annamadım bän
Nasıl sän ihtiyarladın.
II
Kazanca gittim,
Paranın ardına hep ta kaçtım,
Ama te görersin-
Hiç zengin olamadım.
Gençliim geçti,
Saalıımı da kaybettim.
Pek pişmanım,
Ani vakıdında evlenmedim.
III
Prost et, anaciim,
Yalvarȇrım, beni prost et.
Çok yazık, ani seni
Kahırlandırdım kayet.
Evli olsaydım-
Mali seni yapaciydım bän.
Uşaklarıma- ürektän,
Sevineciydin sän.
IV
Anam,anaciim, benim anaciim,
Gülümsä bana-
Da geçsin benim acım.
Ver elini öpeyim-
Da sarmaşayım sana.
Spiada oldum karşında,
İlaç gibi da oldu bana.
