Промо
-
Bobaciim
9 / 0 / 1 год 5 месяцев / 3 месяца«Bobaciim»
1
Benim bobam pek esaplı
Hem şeremet bir adam.
Boşuna evlenmemiş ona –
Benim paalı anam.
Her gün evdän- işä
Hem iştän- evä.
Pek ta yorulmuştu o.
Kolay mı beş uşak büütmää?,
Ama büütmüş o.
Şükür ederim sana bobaciim,
Diz çöküp tä önündä.
Allahtan da saalık isteerim,
Duuma günündä! / 2 kerä
Refren:
Benim bobaciim,
Duuma günün kutlu olsun!
Kahıra hiç girmä sän,
Hep sevin, saalıcaan olsun!
Biz seni severiz hem sayȇrız, bobaciim,
Uşakların da hepsi, yanında bu gün.
Bak buna nasıl da-
Sevineer, anaciim.
3
Bobamın kruçası pek aar,
Ama o taşıyȇr onu,
Zerä o biler, nesoy baaşış
Allahtan bekleer onu.
Hiç prost laf işitmedim ondan,
Kavgadan hep uzak durdu,
Pek uygun o bir adam.
Bizä da hep örnek oldu.
2
Sabaylen erkencä, kazmacii alıp,
Başçaya girärdi o.
Birkaç sıra kazıp,
Sora da işä yollanardı o.
Biz uyuyarkan o gidärdi
Hem uyuyarkan geeri dönärdi,
Yaşamak zoor da olsa,-
Ama hep isleyä umutlanardı.
Şükür ederim sana bobaciim,
Diz çöküp tä önündä.
Allahtan da saalık isteerim,
Duuma günündä! / 2 kerä
Refren.
